Jhilke (झिल्के)

'झिल्के...' बोलको यो गीत मेरो पहिलो गायन हैन तर निकै साथीहरुले मेरो पहिले गीत भनेर प्रतिकृयाहरु दिनुभएको छ । मेरो पहिलो गीत 'रुन्छ यो मन...' भन्ने हो । जुन गीत मैले लगभग चार वर्ष अगाडि नै गाएर रिलीज गरेको थिए जसमा शब्द संगीत मेरो आत्मिय मित्र तथा गीतकार संगीतकार करन न्यौपानेको रहेको थियो । त्यसबेला चाहि मैले गीत गाएँ भनेर प्रचार प्रसार नगरी निकालेको थिए त्यसैले धेरैले मैले गाएको हो भन्ने नै थाहा पाउनु भएन । मेरो नजिकको साथी भाईलाई मात्र थाहा थियो र अरु सुन्नेले पनि अरुकै गीतमा अभिनय गरेको होला भनेर बुझनु भयो धेरैले ।

मेरो नयाँ गीत 'झिल्के'को कुरा गर्नुपर्दा मलाई एकल लोकगीत गर्ने मन थियो त्यो कुरा मैले गीतकार एकनारायण भण्डारी सरलाई भनेको थिए, मलाई लोकगीत तर अली क्याची टाईपको चाहियो भनेर । अनि ऊहाँले मलाई सुनाऊने क्रममा ३ वटा जति लोकगीत सुनाउनु भयो । मलाई चाहि 'कपाल काटे जुगा नि मिलाए हेर्छौ भनि नया कोट सिलाए...' भन्नेले क्लिक गर्यो । मैले यहि गरौ भनिहाले अनि एकनारायण सरले मेलोडीलाई परिमार्जित गरेर मैले गाउन सक्ने सुहाऊने खालको बनाईदिनु भयो र हामी संगीत संयोजनको लागि आशिष अविरलको मा गयौं अनि उहाले मिठो संयोजन गर्दिनु भयो र मारुनि स्टुडियोमा रेकर्ड गर्यौं ।

गीत रिलीज पछी सबैले राम्रो गाउनु भयो भनेर हौसाला दिनुभयो । भिडियोको बारेमा - पहिलो गीतमा मैले आफै अभिनय पनि गरेको भएर गाएको पनि हो भनेर मार्क गर्नु भएन दर्शक हरुले । किनकी मेरो प्रमुख पेशा त अभिनय हो । सोहि कारण धेरै साथीले अभिनय पनि आफै गर भनेर सुझाव दिएपनि मैले मनमनै नगर्ने निर्णय गरिसकेको थिए । सोहि कुरा मैले शंकर विसी दाईलाई सुनाए अनि ऊहाले पनि हैन तिमी नै गर भन्नुभाथियो, मैले म नगर्ने दाई गायकको रुपमा प्रस्तुत हुने भनेर ढिपी गरे । अनि उहाँ निर्देशन गर्न राजी हुनुभयो 'अनि को खेलाऊने त' भन्नुभयो मैले 'हजुर नि दाई' भने । ऊहाँ अलि सरप्राईज टाईपको हुनुभयो । अनि मैले फिल्म वा आधुनिकको खोज्दिन दाई लोकदोहोरीमा हिट तपाई हो भने । ऊहा सहमत हुनुभयो अनि केटि को राख्ने भन्नु भयो । मैले फ्याट्ट 'रन्जिता गुरुङ' भने । किनकी मैले केटा म खेले पनि नखेले पनि केटि रन्जिता राख्ने सोच बनाईसकेको थिएँ । रन्जितासँग दुई तिन पटक अनौपचारिक कुरापनि राखिसकेको थिए, हुन्छ भनेकि थिईन । रन्जिता मेरो मिल्ने साथी पनि हुन । भिडियो पनि गीत जस्तै हल्का कमेडी शैलीमा बनाउने सल्लाह अनुसार बनायौं र म्युजिक नेपालको यु-ट्युव मार्फत रिलिज गर्यौ । सबैले राम्रो प्रतिक्रिया पनि दिनुभयो गायनमा पनि । र शंकर विसी दाई र रन्जिता गुरुङलाई धेरै धेरै धन्यवाद दिन चाहान्छु किनकि ऊहाँहरु दुवै जनाले विना पारिश्रमिक काम गर्दिनु भएको छ मेरो भिडियोमा ।

SHARE

Don't Miss

Jhilke (झिल्के)

4/ 5

Oleh Unknown

Unknown 11/12/2016 No Comment