Panche Baja Ghunna (पन्चे बाजा)

कसरी बन्यो 'पन्चे बाजा घुन्न...'?

मेरो भर्खरै रिलीज भएको लोकगीत 'पन्चे बाजा घुन्न...' गीत पनि मेन स्ट्रिमको गीत भन्दा खासै फरक चाहि लाग्दैन मलाई । त्यही हो लगनको महिनामा चाहि अलि बढी खोजिन्छ अलि बढी बजाईन्छ भन्ने मात्र हो नत्र भने अरु समयमा समेत हल्काफुल्का बजिरहेकै हुन्छन ।

म अहिले तत्काल कुनै गीत गर्ने योजनामा थिईन, एकनारायण भण्डारी एउटा राम्रो स्रष्टा स्रर्जक त हुनुहुन्छ नै र साथसाथै मेरो असल अनि नजिकको मित्र पनि हुनुहुन्छ सोहि कारण हामी चिया कफी वा खाजा खाने समयमा भेटिरहेका हुन्छौं । त्यो भेटमा माहोल मिल्यो भने एकनारायण सरले नयाँ सृजना मलाई सुनाउनु पनि गर्नु हुन्छ । सोहि क्रममा एकदिन खाजा खाने गरी म, एकनारायण सर अनि मदन खनाल (गितकार, पत्रकार, गायक) भेट भयौं अनि खाजा आऊदै र खाँदै गर्दा सम्म ऊहाले रेकर्ड भएर आऊन लागेका कसैलाई बोलिसकेका र यो पन्चेबाजा गरी आधा दर्जन जति गित सुनाउनु भयो । म पश्चिम गुल्मीको मान्छे त्यहाँ पन्चेबाजा खुबै रुचाईन्छ म पनि यो बाट अछुतो कसरी हुन सक्थे र, मलाई गित मन पर्यो अझै 'कस्ले भन्छ केटि मान्छे जन्ति जान हुन्न...' भन्ने शब्दले झन छोयो कि न की म सान-सानै हुँदा गाऊँतिर कोहि पनि केटि मान्छे जन्ति गएको याद छैन पछि पछि त विस्तारै जान पनि थाल्नुभयो अहिले त धेरै नै जानुहुन्छ ।

अनि मैले 'यो गीत कसैलाई दिनुभा त छैन नी' भने एक सरले 'छैन' भन्नुभयो, 'मैले गाउन सक्छु यो गित?' भनेर प्रश्न गरे । उहाँले 'सकिहाल्नुहुन्छ नि' भन्नु भयो अनि मदन सरले पनि थप्नुभयो 'ईच्छा छ भने यो गित गर्दा हुन्छ सर हजुरलाई यो शुट पनि गर्छ र गीत अली फरक विषयमा पनि छ' भन्नुभयो । अनि एकनारायण सरसँगै हामी तिनैजना यहि गित गुनगुनायौ केहिबेर र एकदुई दिनमा सोचेर म खबर गर्छु है भनेर खाजा खाएर हामी छुट्यौं । अनि एकदुई दिन पछि संयोगवस एउटा स्टुडियो बाहिरको चियापसलमा गितकार/संगितकार करण न्यौपाने म अनि लोकगायिका सरिता कार्की भेट भयो, चिया खाजा खाँदै गर्दा प्रसंगवस यहि कुरा निस्क्यो । लोकगायिका सरिता कार्कीले पनि अहिले सम्म आफुले पन्चेबाजाको गित नगरेको र गर्नभने ईच्छा लागेको कुरा बताऊनु भयो । मैले यस्तो खालको एउटा गित रहेछ भनेर एक सरले गाएर सुनाएको मोवाइलमा रेकर्ड गरेको थिए त्यहि सुनाए । ऊहाँले पनि मन पराउनु भयो एक सरलाई हामीले गित गर्ने कुरा अवगत गराए र मेरो बानी फेरि कुनै काम गर्ने भनेर आँट गरिसकेपछि एकदमै चाँडै गर्न खोज्ने खालको छ सो तुरुन्तै आशिष अविरललाई संगीत संयोजन गराएर मारुनी स्टुडियोमा रेकर्ड गरेउ ।

अब त्यति धेरै अरु प्रोफेसनल गायीका हुदाहुदै सरिता कार्की नै किन भन्ने प्रश्न पनि आऊला । ऊहाँले शुरुको गित देखि अहिलेसम्म एकाध गितबाहेक लगभग सबै गितमा मलाई खेलाउनु भएको छ, यतिधेरै सहकार्य गर्नुभएको छ भने ऊहालाई गाउन नलगाएर अरुलाई गाउन लगाऊन त मेरो नैतिकताले पनि दिन्न नि, कि कसो हैन र? कि त ऊहा गाउन नसक्ने हुनुपर्यो फेरि उहाले राम्रो पनि गाउनुहुन्छ र स्वर पनि मिठो छ ।

अब पालो भिडियोको - शंकर दाई सँग व्यवसायीक मात्र नभएर पारिवारिक पनि नजिक छौं त्यसैले मोडल करिश्मा ढकाललाई राखेर अनि मैले आफै अभिनय गरेर भिडियो बनाऊने निचोड निकाल्यौ र भिडियो बनायौं अनि सबै साथीको सल्लाह र आग्रह अनुसार मेरो आफ्नै नयाँ यु-ट्युव च्यानलबाट अपलोड गरेको छु प्रतिक्रिया नि राम्रै आएको छ । तपाइले पनि मेरो 'पन्चे बाजा घुन्न' गीतको यो भिडियो हेर्नु भएको छैन भने हेर्नुहोला अनि प्रतिकृया पनि लेख्नु होला है ।